Inatsisit tunngaviusut
Tunngaviusunik inatsisiliorneq ingerlavoq. Taamaammat ingerlateqqissinnaasaqarpugut. USA namminersortunngornerminik nalunaarnerminiit ukiut arfineq-marluk ingerlaneranni tunngaviusunik inatsisiliorpoq. Tassa uagut toqqammavissaqarneruvugut.

Neriuppugut tunngaviusumik inatsisiliornermi inuiaat kiffaanngissuseqalernermikkut Kalaallit Nunaannik pitsaasumik ingerlatsisunngorsinnaasut tunngavissalerneqarnissaat aallaavigineqarsimassasoq, tamatumalu peqatigisaanik inukitsunnguulluta nunanguunerput iluaqutigisinnaassagipput, tamatumanilu oqartussaaqatigiinneq innuttaasunillu peqataatitsineq atorlugit partiinut takorluugaannarmillusooq avissaartuussimagaluarneq pitaannarlugu suleqatigiittoqarsinnaassasoq.

Innuttaasut
Apeqquterujussuit ilaat tassaavoq kikkut kalaallisut innuttaassuseqassanersut imaluunniit Kalaallit Nunaanni innuttaassanersut.

Kalaallit Nunaanni innuttaassuseq najugaqarsinnaatitaanerlu pillugit inatsimmut” missingiut

Kikkut ”kalaaliunerannik” oqallinneq kinaassutsip (oqaatsit, nagguiit, il.il.) suussusianik oqallinnerujussuannguuteriaannaavoq. Naassaanngitsumik oqallinnerit atorfissaqartinngilavut, taava sumut atornissaa eqqarsaatigalugu taava aalajangerniagaq tassaavoq Kalaallit Nunaat namminersortunngorsimalerpat kikkut innuttaasinnaanersut kikkullu najugaqarnissamut / sulinissamut akuerisaassanersut.

Matumani inuppalaartumik inatsisiliornissaq eqqarsaataavoq naak taamaaliornikkut aaqqissuussineq ilaasa atornerlunniarsinnaassagaluaraat. Inuit amerlanngeqaagut inissaqaqaagullu, allamiullu nunatsinnik orniginnilersimasut inatsisiliornermi isiginiartariaqarput.

Aallaqqaataaniit kissaaterput tassaavoq kikkulluunniit Kalaallit Nunaannut attuumassuteqartut innuttaassuseqalersinnaassasut. Meeqqat Kalaallit Nunaanni inunngorsimasunik angajoqqaaqarlutik nunani allani inunngortut, aammalu Kalaallit Nunaanni inunngorsimasunik aatakkullit innuttaassuseqalersinnaapput aataqqii aanaaqqiiluunniit maani inunngorsimasutut nalunaarsimappat. Taamaaliornikkut kikkut nunasiaanerup kingunerinik attuumassuteqarnerminnik annaasaqangajassimagaluartulluunniit ilanngussinnaassavavut.

Aammattaaq ikaarsaariarnermi aalajangersakkanik siunnersuuteqarpugut kiisalu Kalaallit Nunaanni marloqiusamik innuttaassuseqartoqartannginnissaanik kissaateqarnerput nassuiarparput. Iserfissami uani takukkit. Aamma apeqqutit akissutaallu nassaarineqarsinnaapput.